Kalo tuan baliak ka kampuang
ambiakka ambo sa tangkai pinang
pantun minang ambo bagabuang
kok baso indak kano haroak maafkan.
Bilo lai nak ka Padang
manamui dunsanak yang ado di sano
jago diri di ranah urang
basapan santun babudi bahaso.
Pai bajalan ka taluk bayua
singgah sabanta di Muko muko
sanang hati raso tahibua
samo dunsanak dapek bajumpo.
Ayam utan si ayam danak
buruang pipik tabang ka sawah
hati sanang maliak dunsanak
jampuik sadonyo datang ka rumah.
Indah pamandangan di gunung daik
gunung daik bacabang tigo
muluik nak manieh hati nak baiek
baru sanang urang samo kito.
Jaueh bajalan pai marantau
mambawo diri marajuak kasieh
emeh indak ado budi pun kurang
tadanga sanak datang mamantau
ibo rasonyo batarimo kasieh
baranikan hati malangkah pulang.
